Првиот човек на општина Радовиш Герасим Конзулов најави поставување на системи за дезинфекција на возилата што ќе влегуваат во Радовиш како превентива од ширење на коронавирусот. Системите ќе ги постави ЈП Плаваја во текот на утрешниот ден кои сензорски ќе се активираат за дезинфекција при движење на патничките и товарните возила кои ќе влегуваат во градот
,, Едниот систем ќе биде поставен на булеварот Александар Македонски кај бензинската станица Макпетрол а другата на патот од кај населбата Раклиш. Се размислува да се постави уште еден систем кој ќе треба да биде инсталиран кај Јака табак за сите оние што ќе доаѓаат од кај патот што води кон Ињево и Конче’’, ни изјави градоначалникот Конзулов кој подвлече дека редовно се врши дезинфекција на јавните површини и јавните објекти во општината и апелираше да се почитуваат владините препораки и мерки за превенција и сузбивање на вирусот Ковид 19.
Инаку денеска тимови од ЈП Плаваја вршеа дезинфекција на влезовите и скалишните простори на стамбените згради за колективно домување во Радовиш.
Меѓудругото мобилниот тим на Црвениот крст од Радовиш е активен на терен кои контуинирано дели прехрамбени и санитетски пакети за ранливите категории граѓани по список добиен од Центарот за социјални работи при што 120 пакети се обезбедени од Општината.
Инаку денес во Гевгелија почнаа да функционираат двата поставени пункта за дезинфекција на возилата што влегуваат во градот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
