Две лица од Радовиш позитивни на коронавирус, веста ја потврди и градоначалникот Конзулов

1399

Министерството за здравство, по добиената информација од Институтот за јавно здравје, соопшти дека од денеска потврдените пет случаи во Штип, по завршувањето на епидемиолошката анкета е утврдено дека две лица се од Радовиш, кои се тестирале преку Центарот за јавно здравје во Штип.

Веста дека има два позитивни случаи на коронавирус во Радовиш соопшти и првиот човек на општината Герасим Конзулов кој од жителите побара да се информираат исклучиво од официјални интистуции и да се почитуваат владините мерки за спрешување и ширење на коронавирусот.

,,Според последните информации од Центарот за јавно здравје Штип, во Општина Радовиш се детектирани два случаи на заболени од Ковид-19 (коронавирус). За подетални информации информирајте се исклучиво преку официјалните канали за комуникација на Општина Радовиш и Министерството за здравство,, напиша Конзулов кој побара од жителите на ова општина да ги почитуваат владините мерки и препораки за спречување на ширење на коронавирусот

Во Југоистокот, освен во Радовиш позитивни лица на КОВИД-19 има и во Гевгелија 4 и во Струмица 1.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.