Да помогнеме за уште една детска насмевка апелира Стефановски кој парите од Богојавление во Дојран ги донираше за малиот Алексеј !

826

“Нека овие парични средства собрани од страна на великодушните жители на Општина Дојран кои ги собравме по празникот Богојавление, ти донесат конечна победа над болеста и од се срце ти посакуваме да имаш безгрижно детство исполнето со многу здравје и љубов“, Вака стои во пораката до малиот Алексеј од 30 годишниот Давид Стефановски од Скопје кој го извлече светиот крст од водите на Дојранското езеро на Водици, донирајки ги парите што го даруваа жителите на Општина Дојран .

,, Верата и хуманоста кои во текот на целиот живот највеке ги бев попримил од мајка ми, но и од останатите членови во фамилијата, ми останаа како особина до ден денес. Можам да кажам дека сум пресреќен и благодарен од дното на моето срце на моите дојранчани, кои по повод светиот празник Богојавление и моето извлекување на крстот, несебично и со широко отворени врати ме примаа во нивните домови, ме даруваа со пари, но и со слатки и други дарови. Како што им ветив на самата церемонија по доделување на иконата од страна на отец Теофил, како и наградата од страна на Градоначалникот Анго Ангов, сите средства  одат за малиот Алексеј, кој боледува од ретка болест Хипоксична енцефалопатија , односно недостаток на кислород во мозокот,, вели Стафановски од Скопје које магистар по право а за кого Дојран е негов втор дом оти првите нешта во живото ги направил токму во Дојран .

На тригодишниот Алексеј досега му се направени се 2 трансплатации на матични клетки а во Март е планирана и третата. Забележан е напредок, но потребни се вкупно 6 трансплатации кои неговите родители ги немаат потребните средства бидејки изложени се и на секојдневни трошоци оти  Алексеј секој ден го носат на дефектолог, а имаат и уште едно 2 годишно детенце по име Ведран. Стефановски апелираше до сите да бидаат хумани и да донираат за да овозможиме услови за уште една детска насмевка, оти децата се наше најголемо богатство.

,,Сакам да искажам благодарност и на Гаспар центар, односно Фики Гаспар, кој е мој пријател и по мојот пример овозможи на малиот Алексеј 20 Неурофидбек третмани. Благодарност упатувам и до  до сите несебични луге од Општина Дојран, како и сите останати што донирале и сеуште донираат, не само за малиот Алексеј, туку за сите останати дечиња. Децата се најсвето нешто што постои и сите ние треба да вложуваме и да се грижиме за нив, без разлика дали станува збор за здравје, образование, социјален живот, ние сме тие што на секое дете треба да му го правиме безгрижно детството,, вели за Дрнка.МК Стефановски

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.