Графити го нагрдија на споменикот Гоце Делчев во центарот на Струмица – полицијата истражува кој го „шарал“

707

“ Ќе те пронајдам “.  Вака на англиски со црвен спреј е испишано на споменикот Гоце Делчев  во центарот на Струмица, каде се испишани и други симболи и знаци со што значително е нагрден овој споменик.  Фотографиите со графитите со црвен и бел спреј се споделуваат по социјалните мрежи. Не се знае од кога се испишани. Сите го  осудуваат чинот на сквернавењето на споменикот на доаенот на македонското револуционерно движење  во пресрет на одблежување на годишнината од раѓањето на Гоце Делчев.  Осуда стаса и од првиот човек на Струмица.

,,Да се почитува Најголемиот наш Гоце е морална обврска врзана за нашето постоење.
Со него сме се, без него ништо! Да се сквернави споменикот негов е благо кажано идиотизам. Најостро го осудувам ваквиот вандалски, грозен чин,, објави градоначалникот на Струмица Костадин Костадинов

Од струмичката полиција соопштија дека нивни екипи веќе излегле на терен и се превземаат мерки за откривање на сторителот или сторителите кои со спреј извршиле сквернавање на споменикот Гоце Делчев во Струмица.

Фото ФБ Коста Костадинов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.