Во виртуелниот свет се погласно се зборува за ефектот на усидрување или носење одлука на основа на прва информација која ја добиваме на социјалните мрежи при што сметаме дека таа информација е стандардната и точна. Значи градиме слика и креираме мислење врз основа на првата информација што ќе ја чуеме или прочитаме на социјалните мрежи. На овој ефект не предупредува тиктокерот Александар Динев во своето ново видео.
,,Многу е важно да знаеме дека тоа може да биде дезинформација. Ако си дозволиме понатаму да гледаме низ призмата само на првата информација која допрела до нас, не доистражуваме или не допрочитаме, туку на база на првата информација градиме цела слика, можно е да се доведеме во ситуација да изградиме комплетно искривена слика. Па и да станеме дел од теории на заговор. Ковид пандемијата беше свеж глобален пример за „усидрување“ на секакви први информации во нашите глави. Затоа, внимателно со тоа што се „усидрува“ во главата. Чувај го својот ум,, е апелот кој го упатува Мултус преку тиктокерот Динев
Откривањето на дел од поимите кои се актуелни во реалниот свет е рамките на проектот ,,Нешта кои можеби не ги знаеме за нашето виртуелно однесување“ што го имплементира Мултус од Гевгелија со поддршка на Европската Унија со цел да се зголеми свеста и чекорите кај младата популација кога се на социјалните мрежи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
