Гевгелиска фирма го доби тендерот за рехабилитација на пешачката и вело патека од Нов до Стар Дојран

5759
Дел од патеката мегу Стар и Нов Дојран - фото ФБ Мој Дојран

Гевгелиската Фирма „Пелагонија Тириц“ го доби тендерот за ,,Рехабилитација и реконструкција на постоечката пешачка и велосипедска патека во општина Дојран“ што го распиша Центарот за развој на Југоисточниот плански регион.  Ова фирма, достави најниска цена за предвидените работи наведени во техничката спецификација и во конкуренција на вкупно 8 фирми, тие јавната набавка ја добија за 9 милиони 317 илјади денари или за околу 151 илјада евра.

Според склучениот договор меѓу Центарот за развој на Југоисточниот плански регион и Пелагонија Тириц, ова гевгелиска фирма треба да изврши чистење на целата траса. Таа ќе се реализира по делници и тоа од Нов Дојран до плажа Калдрма, потоа од Калдрма до плажа Алекса Бич, потоа од Алекса Бич до Драги Ком, плажа Стејџ-Претседателска вила, плажа Престиж до плажа ЕЛЕМ.

Се планира реконструкција на патеката на оштетените делови, санација и изградба на бетонски зид за заштита на патеката, фарбање на вело патеката со темно сина боја, поставување сообраќајна и вертикална сигнализација со 32 знаци, монтажа на 25 клупи за одмор и набљудување на езерото како и поставување на 50 канти за отпад.

Договорот е склучен минатиот месец а работите треба да се реализираат во рок од четири месеци од денот на воведување на економскиот оператор во работа односно гевгелиската фрирма на терен која ќе добија 20 одсто од вредноста на Договорот пред отпочнување на работите. (В.Трајков)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.