На 29.04.2020 во 15.45 часот било пријавено дека во с.Ракитец, патничко возило „митсубиши пајеро“, со штипски регистарски ознаки, управувано од Љ.Н.(54) од с.Ракитец удрило во 11-годишен пешак. Во незгодата, пешакот се здобил со тешки телесни повреди, по што бил пренесен во Јавната здравствена установа Радовиш за укажување на лекарска помош. Извршен бил увид на местото на незгодата од увидна екипа од Полициската станица Радовиш.
На 29.04.2020 во 13.00 часот било пријавено дека на регионалниот пат с.Дабила -с.Петралинци, беровско, Ј.Р.(52) од Штип, управувајќи патничко возило „фиат пунто“, со штипски регистарски ознаки, изгубил контрола и излетал од коловозот. Во незгодата, со тешки телесни повреди се здобила сопатничката С.П.(45) од Берово, а со телесни повреди се здобиле возачот и уште две сопатнички Ј.Б.(55) и Н.Б.(51) од Берово, по што биле пренесени во Медицинскиот центар Струмица за укажување на лекарска помош. Извршен бил увид на местото на настанот од увидна екипа од СВР Струмица.
На 29.04.2020 година во 18.35 часот на магистрален пат Струмица-Ново Село, на делница од зубовска раскрсница кон Ново Село, се случила сообраќајна незгода во која Љ.Б. (47) од Струмица, управувајќи патничко возило „бмв“, со струмички регистарски ознаки, изгубил контрола и излетал од коловозот. Во незгодата, со тешки телесни повреди се здобила сопатничката Б.М.(43) од Струмица, која е префрлена во Медицински центар Струмица, а со телесни повреди се здобиле возачот Љ.Б. и сопатникот Р.А. Увид на местото на незгодата извршила екипа на Полициска станица Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
