Во струмичко Добрејци ќе има женски рурални средби за да бидат ,,видливи’’ и добијат поддршка од државата

417

Жените од руралните средини се клучот за одржливоста на тие подрачја, затоа е потребна поддршка да излезат од сенката на невидливоста Ова е пораката на мартовската кампања што ,,Рурална коалиција’’ во соработка со „Вредни Росомански Раце“, од Росоман и „Радика-Де“, од Дебар ја спроведуваат под мотото ,,Од жена за жена“ која има за цел жените од руралните средини бидат препознаени и вреднувани на вистински начин. Од таа причина утре на 11 март во струмичко Добрејци ќе се организираат женски рурални средби за да може да се здружат и заеднички да работат на остварување на нивните права.

Целта на кампањата е да се испрати силна порака од жените од руралните средини имат потреба од економско зајакнување во услови на пост-Ковид ситуација бидејки истражувањата покажале дека дури 84 % од нив кажале дека пандемијата имала негативен ефект врз нивниот живот и работа а од 160 испитаници само 15 жени се регистрирани земјоделки. Дури 92 % од жените одговориле дека не користат поддршка бидејки се невработени а работат од 9 до 11 часа на нива

,,Целта на настаните кои што ги организираме низ цела земја е да ја зајакнеме свеста кај пошироката јавност за економската невидливост на жените од руралните средини кои што беа особено погодени за време на Ковид пандемијата каде што имаа загуби од 60-80%, на нивните приходи, па голем дел беа од нив принудени да работат и како сезонски работнички на други ниви, што само говори за фактот колку негативно се одрази оваа криза врз нив,, ни изјави извршната директорка на Рурална Коалиција -Лилјана Јоноски

Жените ги нема во системот, односно влегуваат во т.н. неформална економија, а кога се невидливи за системот тогаш нема ни мерки за нив, па така малите земјоделски производители иако ги има најмногу сепак најмалку искористија од државните мерки за поддршка и излез од Ковид кризата,, кажа Лилјана Јоноски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.