Во недела граѓанска акција за чисти ридови над Струмица, ќе се собира ѓубрето по две локации

237

Еко акцијата што ја иницираше ВК Актив од Струмица а требаше да се реализира минатитов викенд но се одложи заради дожд и снег, како што соопштија организаторите, ќе се реализира во недела. Станува збор за акција на чистење на ридовите над Струмица во која ќе бидат вклучени повеќе граѓански организации од областа на спортот и заштитата на животната средина од општина Струмица. Акцијата што ќе биде во недела на 28 март е поддржана од општина Струмица и ЕУ

Освен „ВК Актив” рамноправно и заедно со членови на здруженијата „Беласица Ран”, „Ентузијаст”, Спортски клуб „Југоисток“, ОО на Црвен крст – Струмица, Младински совет – Струмица, „Монго кампинг”, „Здрава котлина”, „Планетум”, „Еделвајс”, Мотокрос клуб „Џабл”, „Друмски велосипедисти”, ЦИА „Новус“ Струмица, „МВП Академија”, „Риверсаунд”, Кинолошкото Друштво „Астрион Канин“, Алпинистички клуб „Скала“, „Повик од Дивината“, Радиоаматерски клуб Струмица.

Според најавата акцијата ќе почне со почеток во 10 часот а  ќе има две почетни локации. Едната група ќе тргне од „Ловен дом” и ќе ја чисти  трим патеката се до манастирот „Св.Илија“. Другата група ќе почне со чистење од пред СОУ „Никола Карев” па по асфалтниот пат Лозињата – Чамчифлик.

Целта на акцијата е чистење на отпадот од овие локации и подигање на јавната свест за почиста животна средина, а во неа можат да се вклучат сите граѓани љубители на природата. Во акцијата ќе се вклучи и градоначалникот Коста Јаневски кој на својата ФБ страна ги повика граѓаните да земат масовно учество оти станува збор за рекреативни локации што ги користат струмичани

„Пролетта е период во кој се зголемуваат желбата и потребата за поголем престој и рекреација во природа. Нашата општина има одлични локации за оваа намена. Колку се тие посредени и почисти, толку поголемо ќе биде уживањето во нив. Затоа, ја поздравувам и се вклучувам во Еко акцијата „Чисти ридови за сите“ напиша градоначалникот Јаневски.

На крајот е планирано двете групи да се сретнат некаде на Чамчифлик, на едно мало плато каде заеднички ќе го поздрават настанот, а ќе се упати и апел за хуманитарна помош на нашиот сограѓанин Стефан Таушанов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.