Првиот човек на општина Струмица Коста Јаневски денеска организираше прием на 37 те почесни конзули од земјава акредитирани во странски држави на кој ги презентираше економските потенцијали на општината. Тој од конзулите побара да ги препорачуваат струмичките брендови на компаниите во странство а паралелно да лобираат и за инвестиции во струмичкиот регион.
,,Вие извршувате економскии мисии во странски држави и барам да помогнете во поврзувањето на струмичките фими со партнери во странство. Барам да помогнете за подобра промоција и пласман на струмичките производи од земјоделството, прехрамбените производи, пијалоци, мебел, текстил, градежни материјали, метални производи, амбалажа, хемиски производи, но и услугите на струмичките компании за транспорт, компјутерско програмирање и изработка на софтвер,, рече градоначалникот Јаневски кој истакна дека во сите дипломатско конзуларни претставништва на нашата држава во странство, ќе се достави Каталог во кој се претставени најуспешните извозно – ориентирани претпријатија од Струмица.
По презентирањето на економските потенцијали на средбата која што се одржа во хотелот „Сириус“, македонските дипломати заедно со градоначалникот Јаневски ги посетија компанијата „НИПРОМ“ и Винаријата „Далвина“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
