Владата утврди листа со дијагнози на хронично болни кои треба да бидат ослободени од работа заради коронавирусот

1903

Владата на својата 17-та седница по препорака на Министерството за здравство ја усвои  листа со дијагнози на хронични состојби, добиени во консултација со директорите на клиниките за ендокринологија, пулмологија, кардиологија и нефрологија, за лицата што се ослободуваат од работа поради коронавирусот

Станува збор за лица кои страдаат од  1) Хронични респираторни заболувања; 2) Тешки кардиоваскуларни заболувања; 3) Дијабет – ТИП1; 4) Малигни заболувања; и 5) Имуно-компромитирачки состојби. Сите тие  треба да бидат ослободени од работа и работни активности врз основа на приложена потврда од матичен лекар за следниве состојби:

1. Хронични респираторни заболувања:

–              ХОББ – Хронична опструктивна белодробна болест – J44

–              Астма – J45

–              Интестицијална фиброза – Ј84

2. Тешки кардиоваскуларни заболувања:

–              Срцева слабост со EF<40

–              Акутен миокарден инфаркт до 3 месеци

–              Срцеви заболувања со тешка пулмонална хипертензија

–              Тешка аортна и митрална стеноза

–              Воспалителни заболувања на срце (миокардит, ендокардит) < 6 месеци

–              Имплантиран пејсмејкер или срцев дивајс до 3 месеци

–              Длабока венска тромбоза до 3 месеци

 3. Дијабетес мелитус:

–              Дијабетес тип I – инсулин зависен

–              Дијабетес тип II на инсулинска терапија со коморбидитети: Миокарден инфаркт, церброваскуларен инсулт, стеноза на периферна циркулација и ХБИ

4. Сите малигни заболувања – C00-C97

5. Имунокомпромитирачки состојби:

–              Состојба по трансплантација на бубрег  – Z94.0

–              Хроничен нефротичен синдром – N04.9

–              Интермитентна хемодијализа – Z99.2

–              Состојби со биолошка или комбинирана имуномодулирана терапија – M05, M06, M45.00

–              Некротизирачки васкулопатии,  системски еритематозен лупус, дерматополимиозит, системска склероза – M31 – M34.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.