Викендов во Дојран на специјалитети од дојранска риба, македонско вино и музика – почнува фестивалот ,,Риба и вино’’

1024

Се е подготвено да стартува второто издание на ,,Фестивалот на рибата и виното““ во Дојран. Тридневен фестивал во кој посетителите во ноќните часови на плоштадот ,,Под Јаворите’’ во ова туристичко место ќе можат да уживаат во дојранските специјалитети од риба, квалитетно вино од македонски винарии но и во добрата музичка програма која ќе трае до раните утрински часови. Сето тоа се прави во интерес на посетителите и гостите кои го избраа Дојран како туристичка дестинација но и оние што планираат да бидат дел од ова туристичко место кое станува атрактивно.

,,Наша примарна цел е да го збогатиме културно забавниот живот во Дојран во интерес на гостите од една страна но и да ги промовираме специјалитети со дојранска риба кои се единствени во државата и доста вкусни. Ова нека биде и покана до сите, да дојдат во Дојран и да пробат риба на трска, риба под капак, крап-тава, крап на скара, специјалитети од перкија, сом, плескавици од икра, млечка и многу други разновидни специјалитети кои ќе ги има на штандовите на плоштадот,  каде ќе бидат и штандовите со македонски вина’’ ни изјави градоначалникот Анго Ангов кој не информираше дека над 10 илјади посетители уживаат овие денови во Дојран и се бара легло повеќе за сместување

На првата вечер од фестивалот ќе настапат: Александар Тарабунов и Eye Cue со свои репертоари, втората вечер е посветена на Елена Велевска и Сузана Гавазова со групата „Академци“ додека  последната вечер од фестивалот ,, Риба и вино’’ ќе биде резервирана за  Слаткаристика и ,,2 бона“ по барае на младите.

Инаку во Дојран се одржуваат по три манифестации кои се посветени на традициналната дојранска кујна која е адут за поголем број туристи. Во јуни се организира Гурман Фест а туристичката сезона ја завршуваат со Дојранска Софра. Петок, сабота и недела Фестивалските вечери почнуваат во 21 часот наплоштадот ,,Под јаворите’’ каде посетителите ќе можат да уживаат во музичките настапи но и да вкусат дел од специјалитетите со дојранска риба со вино.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.