Вандализам врз фонтаната во градскиот парк во Богданци, полицијата трага по сторителите

1331

Деновиве вандалски е уништена фонтаната во Градскиот парк во Богданци, која неоддамна беше реконструирана, објави општина Богданци на својата веб страна. Како што стои во информацијата непознати сторители ги искршиле новозалепените мозаични плочки, ги оштетиле светилките и керамичката опшивка на истата при што нанеле поголема материјална штета, а случајот веднаш е пријавен во полиција.

Фонтаната во градскиот парк се реконструираше минатата година. На распишаната јавна набавка од страна на општината, се јавија три фирми, но најниска цена понуди Евроградба Инженеринг од Владевци кој целиот проект, според склучениот договор го реализираше за 22,4 илјади евра.

,,Општина Богданци го осудува вандалскиот чин, а сторителите без разлика на мотивите поради кои го сториле истиот мора да сносат одговорност,, стои на општинската веб страна од каде апелираа до граѓаните да ја чуват урбната опрема

,,Апелираме во иднина граѓаните да се воздржат од нанесување на штета на јавните добра со цел заеднички и конструктивно да придонесеме за создавање подобра слика за нас и нашето Богданци,, соопштија од општината

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.