Брера против Струга го прекина постот, првите честитки на Валенти од сопругата Паола (видео)

1182

Фудбалерите на Брера Струмица се вратија на победите откако во 14 тото коло славеа над актуелниот првак Струга ТЉ со 2:1.  Салваторе Рибаудо и Ѓеорге Јанкулов беа стрелците кои уште во првото полувреме ја најавија петата победа на струмичани за која долго време се чекаше по стартните четири.

Избраниците на Џовани Валенти одиграа одлично во текот на целиот меч. Ја наметнаа својата игра и контуинирано притискаа на половината на Струга која попушти уште во седмата минута од мечот кога италијанецот Рибаудо стрелаше прецизно. Шампионот дојде до рамнотежа во средината на првите 45 минути но Алчевски беше на својата задача. Во судиското продолжение Јанкулов ја зголеми предноста окако по десната страна го надмудри голманот на Струга.

Стружани се заканија во второто полувреме. Во 77 минута падна концентрацијата кај дефанзивците и Незири намали на 2:1 но не и за израмнување, со што струмичани ја забележаа петата победа.

Првите честики на стратегот Џовани Валенти стасаа од неговата сопруга Паола која допатува во Струмица и го следеше натпреварот од трибините. Кажа дека е пресреќна што по втор пат тимот предводен од нејзиниот сопруг слави над актуелниот шампион на Македонија.

Италијанецот Џовани Валенти летово го превзеде стручниот штаб на Брера Струмица. Бил тренер на тимот до 18 години на Парма но и помошник селектор во селекциите на Италија до 19, односно до 20 години. Во својата досегашна кариера работел само со млади категории, во младинската школа на Милан од 2010 до 2012 година, па во младинската акдемија на Бреша од 2012 до 2015 година, а од 2015 до 2019 година бил дел од младинската академија на Јувентус.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.