Александра Стојановска од ,,Шихан’’ Струмица стана медитерански Шампион во кати а Максим Илиев освои бронза

3510

15 годишната Александра Стојановска член на КК ,,Шихан’’ од Струмица стана медитерански правак во кати во кадетска конкуренција. Таа беше дел од македонската селекција на првиот Медитеранскот онлајн шампионт кој беше организиран од интернационалната карате федерација. На овој шампионат кој учествуваа 188 натпреварувачи од 22 земји. Таа според жирито на ова првенство имала најдобри изведби на кати со што го освои првото место пред французинките Росевита Поурцелот и Махаут Роблаин а четврта беше преставничката од Монако Анур Рифа Руспита

,, Љубовта кон каратето ми се појави кога имав 4 години, благодарение на моја братучедка која на свои три години почна да тренира кик бокс. Но јас со карате тренинзи почнав на 6 години. Многу сум задоволна од мојот клуб каде професионално работиме. На било кој натпревар и да одиме  освојуваме награди, што  е доказ дека во Шихан се работи благодарение и на тренерот Атанас Василев. Каратето е навистина добар спорт. Среќна сум оти ми се исполни сонот за првата интернационална титула иако беше онлајн. Да беше поинаку можеби и немаше да отпатуваме, оти никој  не вложува во овој спорт,, ни изјави за Дрнка.МК Стојановска

Во кадетска конкуренција одличен резултат постигна и Максим Илиев исто така член на Шихан од Струмица. Тој го освои третото мест а пред него беа преставниците од Португалија и Франција.  Освен Стојановска и Илиев на овој Медитерански шампионат во кати  учествуваа и Мила Саздова која беше прва во јуниорска конкуренција, Дејан Недев кој во сениорска освои сребро, Алјоша Недев, Спасе Стојанов, Јане Бургов, Берта Милевска, Јана Милевска, Ведран Андоновски .

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.