Актерите од Струмичкиот театар од утре излегуваат на протести а паралелно битката ќе ја водат и по правно институционален пат бидејки се сомневаат во документите од кандидатурата на избраниот директор на Центарот за култура Антон Панов. Тие денеска со медаљи на градите излегоа пред Центарот за култура со испишани букви и објавија ,, Фис – Култура Сега ?“ прашувајки ја јавноста дали со културна институција треба да раководи фискултурец.
,, Согласно законот за пристап до јавни информации ја добивме комплетната документација од кандидатурата од избраниот кандидат и преку наш правен тим ќе ги рaзгледеме за да ја водиме битката по правен пат а нашето наезадоволство ќе го изразиме со протести како во Струмица така и пред ресоното министерство во Скопје,, кажа Ванчо Василев од името на струмичките актери
Од Mинистерството за одговорија дека според постоечкиот Закон за култура не постои правен основ за поништување на јавниот оглас. Од таму кажаа дека новоизбраниот директор бил подготвен на предлог на вработените да назначи тројца уметнички ракводители во НУЦК Антон Панов
,,Министерката за култура, Ирена Стефоска, имаше разговори со претставници на Струмичкиот театар и со новоизбраниот директор. Барајќи излез, директорот укажа дека во неговата Програма за работа акцентот го става на подобрување на уловите за работа, а не на мешање во работата на ансамблот. Подготвен е , на предлог на вработените, да назначи тројца уметнички раководители за трите дејности во Центарот за култура кои ќе бидат надлежни за уметничките аспекти. Инаку, според постоечкиот Закон за култура, не постои правен основ за поништување на јавен оглас за избор на директор,, соопштија од Министерството за култура
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
