Браќата Бранко и Влатко Сапламаеви од Богданци како ,,Sap Brothers“ го промовираа својот прв сингл насловен ,,Љубов си ти’’ за кој видеото го изработија со Ѓорги Вацев од Гевгелија за кого Бранко ќе каже и тој е ,,Sap Brothers“ а главен протагонист е Арон кучето. Авторска песна за која музиката текстот и аранжманот е на браќата Сапламаеви кои со Вацев го осмислија и видео спотот кој го реализираа на Кожуф.
,, Решивме конечно нашите музички мисли да ги пренесеме на луѓето на начин со кој ќе ги отргнат за момент од секојдневието. Сакаме со музиката да ги разбудием чувствата и преку хумор да ја видат убавата страна на животот. Сакавме нашата музичка едукација да ја претвориме во наш производ и еве конечно се случи. ,,Љубов си ти’’ е наша авторска песна, која преку Арон – чудото на природата има за цел да не потсети дека среќата е тука дури и во малите работи. Видеото беше наша идеја а тешката задача падна на Ѓорги Вацев. Знаејки ни го филмот дишеше со нас, затоа сме и екипа. ,,SAP Brothers“ е повеќе од двајца браќа ние сме хармонија на три карактери во едно ,, изјави за Дрнка.МК Бранко
Браќата Сапламаеви се дипломирани музичари кои својот пат го копаат сами. Како музичари беа дел од повеќе бендови и музички уметници, но сега конечно одлучија да направат соло кариера оти тврдат дека нема што да изгубат.
,, Имаме седум минимум уникатни приказни кои се надеваме дека ќе ги преставиме наскоро на публиката онака како што ги замисливме. Сакаме преку музика и песна да го дадеме максимумот и да ја постигнеме нашата цел а тоа е да видат луѓето што е нашата замисла преку аудио и визуелна проекција. Не планираме снимање албум туку ветуваме сите песни да излегуваат со спотови,, потенцираше Бранко
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
