Во општина Василево, на четири локации од кои две во населеното место Нова Маала и по една во населените Ангелци и Добрашинци, планирана е изградба на соларни фотоволтаични електрани, објави општина Василево на својата веб страна. Како што стои во информацијата, на последната одржана седница, на предлог на градоначалникот Славе Андонов, Советот на општина Василево ги усвои предложените Иницијативите за изработка на урбанистички проекти во населените места Добрашинци, Нова Маала и Ангелци, со намена површински соларни и фотоволтаични електрани.
Како што стои во предлогот доставен до Советот, целта на урбанистичкиот проект е урбанизација на планираниот опфат со дефинирање на сите архитектонско урбанистички параметри за уредување на просторот со формирање на градежни парцели со намена Е1-13 површински соларни фотоволтаични електрани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
