Граѓанската „Милиеуконтакт Македонија“ отпочна да го реализира проектот „AgriSHIFT – одржливо земјоделство“ кој има за цел да даде поддршка на земјоделците да се справат со последиците од климатските промени и одржливи практики. Со истиот се опфатени и земјоделци од Југоистокот кој има за цел стекнувања знаења и давање можности да се изградат поотпорен и поодржлив земјоделски сектор, подготвен да одговори на предизвиците од климатските промени.
Како што кажа Маја Маркоска од Милиеуконтакт, проектот „AgriSHIFT – одржливо земјоделство“опфаќа обуки на земјоделците, нивна поддршка, делење на грантови како за млади земјоделци така и за жени земјоделки за отпочннување земјоделски бизнис. Потоа ќе се подржи земјоделско здружување а ќе има и студиска посета во Словенија за да се црпат примери како таму се применува одржливо земјоделско производство.
,, Имаме директна поддршка за земјоделците односно ќе се доделат 10 гранта за фармери кои се производители на храна. Висината е 10 илјади евра . Значи не мора да бидат само земјоделците тука влегуваат и пчелари и сточари. Има и грантови за нови бизниси на жени. Ќе се дадат 5 гранта од по 10 илјади евра кои ќе подготват бизнис план. Имаме поддршка за формирање заедничка кооператива за подобар пласман“, кажа Маркоска
Една од планираните шест обуки Милиеуконтакт ја одржа во Струмица каде беа околу 25 фармери. Проектот ќе се имплементира до средината на 2028 година. Освен во Југоистокот тој се имплементира и во други подрачја во земјава конкретно во сливните подрачја на Брегалница и Црн Дрим. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
