Секторот за инспекциски надзор при општина Струмица казни четири лица од Струмица кои го прекршиле Законот за јавна чистота и Комуналниот ред на општината. Сите четири лица добија платни налози за глоби но и сами го исчистиле отпадот од локациите каде биле затекнат
На улицата „Ристо Ќурчиев“ инспекторите затекнале градежен отпад и стари предмети од домаќинство оставени на тротоар после реновирање. Лицето морало сам да го предаде отапот на Комуналеци а противнего е поведена прекршочна постапка и издаден платен налог за глоба. На истата улица била откриена и поголема количина полиетиленско платно складирана на приватно земјиште без знаење на сопственикот. По наредба на инспекторите, материјалот бил отстранет и предаден на правен субјект регистриран за постапување со таков вид отпад, а против сторителот ќе биде поведена прекршочна постапка.
На улицата „Климент Охридски“ на 7 август, струмичките инспектори затекнале лице кое расклопувало стари електрични компоненти од моторни возила за да извлече бакар. Бакарот бил одземен, а лицето добило наредба да го исчисти просторот и платен налог за глоба. Истата вечер, во заедничка контрола на општинските инспектори, Државниот пазарен инспекторат и полицијата на улицата „Благој Јанков Мучето“, било затекнато лице кое поставило електронски реквизит – аркаден бокс на јавна површина без одобрение од Општината.
Од Општина Струмица апелираат до физичките и правните лица кои вршат трговска или занаетчиска дејност да го усогласат своето работење со законските прописи (М.К.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
