Струмичките земјоделци, денешниот кој го одржаа пред канцелариите на Подрачната единица на Министерството за земјоделство во Струмица гневни на игнорантскиот однос и на Министерството и на фабрикантите. Повторно го блокираа центарот на Струмица од каде ги повторија барањата а тоа се повисоки откупни цени.
Во моментов низ откупните пунктови во Струмичкиот регион, црвената пиперка се откупува по цена од 40 денари екстра класа која е наменета за извоз, додека за конзервно преработувачките капацитети се откупува за 25 денари.
,, Не да е срамота, ова го нема никаде. Четири дена сме на протести и блокади а никој не превзема ништо. Жално е ова што ни се прави. Се мачиме како грешни ѓаволи за да на крај ни се откупи џабе. Каде се сега пратениците, градоначалниците да застанат на наша страна“, коментираа земјоделците
На протестот имаше и земјоделки. Го повикаа министерот да најде начин и да помогне на градинарите во струмичкот регион, бидејки сезоната на откуп е на почеток.
,, На овие пеколни температури работиме. И јас сакам на море или езеро да одмарам ама со кои цени. Со овие нема да можеме да се покриеме а камоли да живееме а не да помислуваме за одмор. Моите деца се постојано со нас на нивите. И тие сакат да уживаат. Има ли некој во оваа држава да види каде ни оди земјоделието “ кажа една земјоделка
Протестите започнаа во четвртокот. Прво земјоделците се собраа во Муртино па излегоа во Робово. Во саботата и денес го блокираат центарот на градот. Тие се резултат на незадоволството откако на самиот старт беа понудени цени кои за разлика од лани се пониски. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
