Центарот за развој на Југоисточниот плански регион со поддршка на општествено одговорни компании од регионот спроведе акцијата под слоганот „ПОДАРИ НАСМЕВКА“ во детските градинки од руралните средини и во дневните центри за лица со попреченост во Југоисточниот плански регион.
Како што објавија од Центарот поделени се над 800 подароци за што изразија благодарност до компаниите Портланд-опц, Жикол, Џови Компани, Риверсофт, Бони Интерградба, Дикор ЦД, Универзал Градба, Евроградба, Графо Сервис и Пешо Инженеринг, кои несебично помогнаа во реализирањето на оваа хумана акција
Пакетчиња беа поделени на дечињата од
– ЈОУДГ „12 јули“ – Конче и клоновите во Горни Липовиќ и Долни Липовиќ;
– ЈОУДГ „ Ацо Караманов“ во населените места Злеово; Покрајчево; Јаргулица; Подареш; Ораовица; Ињево; Воиславци; Калуѓерица и клонот во Шеин Маале во Радовиш;
– ЈОУДГ “Прва радост“ Василево;
– ЈОУДГ „Сонце“ и Посебното Основно Училиште „Св. Климент Охридски“ во Ново Село;
– Детска градинка „Малото Славејче“ Моноспитово, Босилово;
– ЈОУДГ „Кокиче“ Нов Дојран;
– ЈОУДГ „Коста Поп Ристов Делчев“ Богданци, а во клонот во Стојаково пакетчињата ќе бидат поделени за верскиот празник Божиќ.
– ЈОУДГ „Детска радост“ во населените места Куклиш и Муртино;
– ЈОУДГ „Калинка“ во населените места Удово, Пирава, Брајковци и ДГ „Детелинка“ во Јосифово, како и во
– Дневните Центри во Радовиш, Валандово, Гевгелија и Здружението за помош и поддршка на лица со Даунов синдром „ВЕРА“;
ФОТО: ФБ Центар за развој на Југоисточен плански регион
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
