ЦРЈИПР имплементира проект ,,eFIDAR ” за рано откривање на шумските пожари преку ИКТ систем а ќе набавува и две возила

401

Центарот за развој на Југоисточниот плански регион освен што е во постапка за набавка на заштитна опрема за сите пожарникари од Југоистокот ќе набавува и противпожарни возила за ТППЕ во Струмица и Гевгелија но и ќе имплементира ИКТ систем за ефикасно рано откривање на шумските пожари. Сето тоа е предвидено во новиот прекуграничен проект што Центарот го доби од програмата за прекугранична соработка со соседна Грција насловен како ,,Рано откривање на пожарите и нивно движење за превенција и справување со катастрофи eFIDAR’’

,,Системот ќе придонесе за ублажување и управување со ефектите по пожарот што резултираат со ширење на пожарот, преку обезбедување точни информации за дисперзија на чад од шумски пожари. Ќе се развијат и мапи врз основа на заедничка методологија за идентификација на области каде што би можеле да бидат распоредени ИКТ системи за рано откривање на шумски пожари, со цел да се зголеми и дисеминира заедничка култура на отпорност на ризик, проектот ќе овозможуваат развој на прекугранична мрежа, споделување на научни знаења и најдобри практики за ефикасно спречување и управување со шумски пожари.,, соооптшуваат од Центарот за развој на Југоистокот

Проектот предвидува две ефикасни противпожарни возила за заштита од шумски пожари, заедничка прекугранична шема за идентификација на вредносите од ризик и заедничка методологија за попис и мапирање на шумски пожар, развој на ИКТ систем за рано откривање и предупредеување на шумски појас во прекуграничниот регион, обуки , едукација, изработка на упатства з апроценки и протоколи за прекугранично управување со пожари но и изработк на Акциски план з аублажување на ризикот.

Проектот треба да се иплементира до крајот на идната година

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.