Метална кровна конструкција со панели била откорната од невремето што го зафати струмичко и летала десетици метри од силниот ветар која завршила врз засеаните оранжериите на семејството Вучкови во Куклиш. Уништени се полиетиленските платна, железната конструкција на оранжеријата но и дел од посевите со пипер и краставички. Миле Вучков вели дека не памети вакво невреме. Со сопругата молеле бога кровната конструкција на удри по нивните дом.
,, Беше страшно се се случи одеднаш. Како да се спои небото и земјата. Одеднаш видов дека на соседите ја корне гаражата покриена со метална констуркција. Летна едно десетина метри во висина. Удри во оревот на комшиите и падна врз оранжериите со пиперки и краставици. Среќа што немаше никој во дворот ,, вели Вучков кој заедно со соседите бараа градежна механизација со кран за да ја отстрани металната конструкција врз орнажериите.
Во Куклиш речиси да немаше домаќинство а да нема штети од силниот ветар. Претежно се уништени пластениците под кои се одгледуват домати, пиперки и краставици. Земјоделците ги острануваа уништените полиетиленски платна и поставуваа нови. Дел од нив се обидуваа да ги закрпат за да се заштеди оти немале пари за да купаат нови
,, Имам уништени 20 полиетиленски платна. Штетата ја проценувам околу 2-3 илјади евра без да го вкалкулирам трудот и поседот кој е испокршен. Сега треба повторно да се задолжам и да работам на покривање на оранжериите. Беше грозно оти вакво невреме не сум видел,, рече Драги Памуков земјоделец од Куклиш
Во Куклиш беа уништени и дел од бандерите за пренос на електрична инсталација заради што дел од селото претпладне беше без струја. Екипи на ЕВН ги санираа штетите и поставуваа нови столбови. Освен во Кулиш, штети по пластениците има и по другите населени места во струмичко
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
