Во Домот на културата „Бранд Петрушев“ во Богданци се одржа математички хепенинг „Ден на бројот пи“ 2019 на кој учествуваа околу 80 тина основци и средношколци од повеќе училишта од Југоистокот. Хепенингот на кој се славеше бројот ПИ го организираше Основното училиште „Петар Мусев“ и средното „Богданци“ од Богданци во рамки на стручно-апликативниот проект „Популаризација на математиката“ од Природно-математичкиот факултет во Скопје во координација на Адријана Тодорова и Драгица Ѓавочанова.
Ученците се натпреваруваа во квизови за паметење децимали од бројот пи, зборови кои почнуваат на пи, практично покажување на постоење на бројот пи но и решавање на нумерички задачи. Кај основците најдобри беа домаќините, основците од ,,Петар Мусев’’ а втори беа учениците од ,,Сандо Масев’’ од Струмица . Во ова конкуренција беа ученици од Струмица, Валандово, Богданци и Гевгелија. Кај средношколците првото место им припадна на ученциите од ПСУ ,,Јахја Кемал’’
(Учениците од ООУ ,,Сандо Масев’’ под менторство на Гордана Андонова беа втори на хепенингот во Богданци)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
