Утревечер во Струмица, светски рок евергрини во изведба на Дани и симфониски оркестар, најавија вистина преку музика

1299

Утревечер во НУЦК ,,Антон Панов’’ во Струмица, македонксата поп-рок дива Дани Димитровска и 25 член симфониски оркестар под палката на Владмир Димовски ќе го реализираат концертот Рок Симфонија кој го организира Агенцијата ,,Евентум’’. Станува збор за концерт на кој Димитровска ќе изведе хитови од Muse, Queen, Tina Turner, Led Zeppelin, Cranberries, Scorpions, Radiohead и многу други изведувачи кои оставиле печат на светската рок сцена, песни кои и понатаму се пеат.

Дани деновиве престојуваше во Струмица и се дружеше со струмичани за да го најави концертот, на кој, со цел симфониски оркестар ќе се пеат рок песни со специјални аранжани што ќе преставува уникатна можност да се ужива и шири позитивна енергија, вели Дани која минатата година одбележа 20 години на музичката сцена

,, Дојдете без очекувања, препуштете се на внимателно одбраниот репертоар, потсетете се на единствените светски рок евергрини кои не умираат. Оставете ги проблемите надвор од сала и дозволете си искуство кое не гостува често во ваква формација. Потсетуваме на подзаборавени вредности, шириме убава енергија. Бираме музика која инспирира наместо што деградира. Пренесуваме Вистина преку музика наместо лага,, изјави за Дрнка.Мк Дани Димитровска

Од Агенцијата ,,Евентум’’ најавија дека концертот ке биде спој на енергична и незапирлива Рок Симфонија во изведба на Дани која над 20 години пренесува љубов преку ноти. Димитровска пак вели дека струмичката публика е уникатна која знаа да ја крене атмосферата и да шири позитивна енергија

,,Струмица е сончев град во кој дишат лични, дотерани и насмеани луѓе. Струмичката публика со задоволство ја памтам во едни убави минати времиња кога свирките беа на едно многу повисоко ниво. Но знам дека е благодарна , гостопримлива, срдечна, доволно за насмевки и заедничко уживање,, вели Димитровска

Билети за Рок Симфонијата по цена од 250 денари одамна се пуштени во продажба и сеуште има кој сака да ужива во еден невообичаен концерт на рок музика со симфониски оркестар и одлични изведби од Дани Димитровска

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.