Поранешниот стратег на пандевци Југослав Тренчовски од Струмица кој летово замина во Кувајт во ,,Ал Араби’’ останува уште две години во клубот кој 17 пати ја има освоено шампионската титула. Тој во клубот беше анажиран да работи за младите категории а со младинскиот соствима одработено пет првенствени меча и во моментов паузираат а првенството во млаинскиот шампионат го почнуваат после 15 ти февруари.
,, Ми понудија нов договор од две години, очигледно дека се задоволни од мојата работа. Со оглед на условите кои ги имам овде, прифатив. Интенцијата ни е од младинскиот состав кој има потенцијал во наредните две години да изградиме неколку фудбалери кои ќе се прекомандуваат во сениорскиот состав. Добро сум прифатен од средината и работеме според предвидената програма,, ни изјави Тренчовски
Југослав Тренчовски својата интернационална кариера ја започна од ФК Академија Пандев во чии редови беше од самото основање. Под негова палка пандевци ја донесоа и првата КУП титула пред три сезони.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
