Денес се одиграа натпреварите од 6 коло од Втората фудбалска лига Исток каде струмичка Беласица и гевгелиски Кожув забележаа нови победи со кои се зацврстија во првите три тима во ова друштво односно се задржаа на втората и третата позиција најавувајки дека нема да се откажат од лидерското место во ова натпреварување
Беласица на свој терен со 3:0 го совлада тимот на Осогово од Кочани. Александар Милушев и Игор Пановски им пресудија на кочанчани постигнувајки голови во 45. и 66. минута од мечот на стадионот Благој Истатов а пред финишот погоди и Мартин Мирчевски. Ова за нив е петта победа во првенството и со вкупно 15 бода се втори на табелата заостанувајки бод од Тиквеш од Кавадарци
Победа забележаа и фудбалерите на Кожув од Гевгелија кои со 3:0 ја надиграа радовишка Плачковица. Никола Костадинов, Стефан Терзиев и Славе Танов беа стрелци на головите за гевгеличани. Кожувво Втората лига Исток и понатаму нема пораз со 4 победи и два нерешени исхода се трети на табелата со вкупно 14 бода
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
