Струмичанецот Димитар Пандев кој минатото лето потпиша за најдобрата колеџ екипа IUPUI Jaguars од Индијана САД и настапува во НЦАА лигата, забележа победа во дуелот со Сполдинг со 61:41. Ова е прва победа за струмичкиот интернационалец ова сезона со неговиот тим од вкупно 6 меча во лигата.
Според информациите тој во мечот против Сполдинг играл 16 минути. Постигнал седум поени: една тројка од три шута и двапати прецизен од три шута за два, а оствари уште четири скока, две асистенции и една украдена топка. Инаку ова е поголема минутажа за Пандев ова сезона откако во јануари се повреди во Северен Кентаки.
„Морав да паузирам осум месеци после операцијата на десното колено оти скинав предни лигаменти. Но сега сум 100 % подготвен и полека се враќам во форма и се надевам дека ќе добијам поголема минутажа, оти досега бев ограничен од страна на тренерите. Ни престојат клучни натпревари од кој веќе следниот четврток против Детроит,, ни изјави Димитар Пандев
Инаку овој струмичанец висок 2 метри и 10 см. Пред да дојде во IUPUI Jaguars од Индијана тренираше со TSF Академијата со Ефтим Богоев и Роб Џонсон а својата интернационална кариера ја започна на 15 годишна возраст преку првата кошаркарска паралелка во земјава во Луксембург.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
