19 годишниот струмичанец Васил Гогов кој од минатата сезона го носи дресот на европскиот шампион Вардар на голманската позиција дебитираше во ракометната Лига на Шампиони. Своето деби го имаше против унгарскиот Веспрем каде имаше четири одлични интервенции иако Вардар претрпе пораз од 38:29
Васил Гогов на мрежата на Вардар застана во второто полувреме кога Кокшаров му даде шанса. За десетина минути од вториот дел Васил имаше три интервенции а последната во финишот од мечот кога струмичкиот голмански бисер успеа да одбрани ударот на Шмид од мини цепелин
(принт скрин од одбрана на Гогов при ударот на Шмид од мини цепелин)
Гогов е дете на струмичкиот ракометен клуб Астраион и до лани беше енигма за голем број екипи со неговите интервенции. Тој летово потпиша тригодишен договор со европскиот првак Вардар и често тренира со сениорскиот состав а вечерва дебитираше и во Лигата на Шампиони
,,Ова ќе биде голема шанса за мене што ќе можам да напредувам уште повеќе и да постигнувам уште успеси. Мене идол од вардаровите голмани ми беше Штербик и се надевам дека еден ден ќе бидам на негово ниво,, изјави за Дрнка.МК во јули годинава Васил Гогов кој тогаш упати огромна благодарност до РК Астраион
фото – www.gol.mk
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
