Струмица Жени одигра одлично и славеше значајна победа во гости над Универзитет Тетово

1489

Одбојкарките на Струмица Жени одиграа одлична партија во Тетово и забележаа значајна победа против Универзитет Тетово. Во сите три сета струмичанки беа далеку подобри од домакините кои се обидуваа да фатат резултатски приклучок но девојките на Атанас Милев и Вера Божијанова Димитриева не дозволија кои беа на висина на задачата и остварија значајна победа.

Струмичанки уште од стартот на мечот наметнаа своја игра која ги изненади тетовчанки кои на крајот од првиот сет мораа да  се помират со 20:25. Добриот сервис, прием и игра на мрежа кај Струмица Жени продолжи и во вториот сет, во кој на тетовчанки им дозволија само 21 поен и го добија со 25:21. Третиот сет беше само формалност за струмичанки кои ги искористија сите грешки на домакините и со 25:18 го добија за конечни 3:0 во сетови.

Ова е прва победа на Струмица Жени во втората фаза. На своето конто имаат 16 бода и се на 4 место на табелата кое носи пласман во плеј офф завршницата за титула.

Вториот струмички преставник Наковски Волеј на свој терен претрпе пораз од Работнички со 3:1.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.