Струмица доби ,,Еurope House’’ каде младите ќе креираат европска перспектива на земјата (фото)

1253

,,После Скопје и Крива Паланка, и Струмица добива „место на новата генерација„ и нуди можност за младите луѓе да земат активно учество во обликувањето сопствената, но и европската иднина на земјата,, Вака нагласи евроамбасадорот Дејвид Гир на кои заедно со премиерот Зоран Заев и градоначалникот на Струмица ја ставија во функција Европската куќа – катче каде младите струмичани можед а другаруваат да организираат настани, дебати, изложби, концерти, филмски проекции

,,Ние како Делегација на ЕУ одлучивме да го замениме претходниот ЕУ-Инфоцентар со Европската куќа во Скопје која што им обезбеди на младите луѓе простор каде што можат да го развијат критичкото размислување, да се вмрежуваат, меѓутоа исто така и да се ангажираат во обликување на европската иднина на земјата, но исто така и да се забавуваат. Позитивното искуство со Европската куќа во Скопје исто така не импресионираше да отвориме вакви места за новата генерација и во другите градови на Република Македонија,, кажа Гир.

Премиерот Зоран Заев објави дека  Европската куќа е европски дом за младите струмичани за средби дискусии и креативни идеи

,,Оваа „Европска куќа“ е европски дом за младите струмичани. Младите како вистински препознавачи на европските вредности го заслужуваат своето место во европското семејство, заедно со сите свои врсници од земјава и со врсниците од Европа’’ напиша Зоран Заев

Градоначалникот на Струмица Коста Јаневски при отворањето на европската куќа подвлече дека младите од Струмица веруваат во европските идеали и дека е возможно живеејќи и дејствувајки во сопствената земја да се живее и дејствува во ЕУ.

Програмата за отворањето почна синоќа со светлосна инсталација и настап на локални музичари и уметници. На денешното официјално имаше активности на отворено во малиот парк лоциран спроти објектот во Струмица со учество на локални млади луѓе од хип-хоп танцовото студио „One Way“, графити од уметникот Сашко Николовски, спортисти, уметници, како и Младите европски амбасадори и аташеа од Македонија.

фото Europe House Skopje

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.