Стојаково од Богданци е подготвено за Првомајските трки со коњи, магариња, вреќи…. жителите канат на добра забава

3362

Во организација на ,,Arts & Cultures” и Советот на месната заедница од Стојаково утре во ова населено место ќе се организираат традиционалните Првомајск трки. Станува збор за натпревари во неколку дисциплини како и богата културно-уметничка програма што секоја година се одржуваат на Први мај во Стојаково-традиција што се негува од 1951 година и е заштитен белег на жителите од ова село

,,Учесниците ќе се натпреваруваат, како и секоја година во трка со коњи, трка со магариња, трка на сто метри  за јуниори и сениори во машка и женска конкуренција, скокање со вреќи,  трка на 3.000 метри, трка со велосипеди и влечење со јаже.
За првите три натпреварувачи во сите категории се предвидени и парични награди,, велаат организаторите кои упатија покана до жителите од југоистокот  првомајскиот празник да се помине во Стојаково каде ќе има и добра забава
Организациониот одбор како што информираа на својот ФБ профил се посебно горди што младите од Стојаково гижливо ја негуваат традицијата која се пренесува од колено на колено, манифестација која ова година е под покровителство на градоначалникот Блажо Шапов и Советот на општина Богданци
,,Традицијата во нашето општество, пред се, се согледува преку обичајните, моралните и религиозните норми. Но, она што во последно време фасцинира е огромно почитување на традицијата од страна на младите. Доказ за големото негување на традицијата од страна на младите луѓе е се поприсутните активности кои младите ги практицираат, а се дел од нашата традиција,, напишаа од месната заедница на Стојаково

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.