Членот на АК Беласица Ран Столе Ангеловски се закити со злато и стана шампион на 800 метри ( 35 +) на Балканското првенство во атлетика за ветерани што се одржува во Корча Албанија. Ангеловски на ова првенство е заедно со Васил Георгијевски се дел од атлетксата репрезентација за ветерани кои ги бранат боите на Македонија.
Ангеловски делницата од 800 метри ја истрча за време од 2 минути 20 секунди и 9 стотинки што беше доволно да застане на првото место на пиедесталот на прогласувањето на најдобрите во конкуренција на атлетичари од Албанија, Косово, Босна, Србија, Бугарија, Романија, Молдавија и други држави од овој дел на Европа
Ангеловски заедно со Георгијевски овие денови треба да бидат дел и од останатите дисциплини предвидени на Балканското ветеранско првенство во атлетика. Според информациите тие треба да се појават и во дисциплините на 1500 и 3000 метри со пречки
Ова прв меѓународен успех за членовите на АК Беласица Ран кои се регистрираа како клуб членка на Атлетската федерација на Макеоднија а веќе постигнаа одлични резултати на повеќе маратони и полумаратни
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
