Средношколците од Коста Сусинов од Радовиш ќе прават биоѓубриво – добија компостери

2350

Средното училиште ,,Коста Сусинов,, од Радовиш, органскиот отпад ќе го компостира и ќе произведува  биоѓубриво кое ќе го користи за сопствени потреби. Ова средно училиште преку здружението ЦЕЛОР – Центар за локален развој од Радовиш, доби компостери преку кои ќе се  подига свеста за селекција на отпадот но и производство на компост објави порталот Радовишњус. Компостерите се донација од Мрежата за рурален развој на Република Македонија и ЦНВП Скопје, преку проектот „Младите од руралните средини за интеграција на Македонија во ЕУ“ финансиран од Европската унија

,,Преку оваа донација и заедничка акција, здружението ЦЕЛОР и СОУ „Коста Сусинов“ го надминаа проблемот со кои се соочуваше училиштето, односно не поседувањето на соодветни алатки и инструменти за работа кои би го помогнале образовниот процес и практична едукација на учениците за начините на постапување и намалување на органскиот отпад и заштитата на животната средина. Преку демонстрација на практична на примена на едноставни мерки со кои може да се дојде до корисни решенија за редуцирање на отпадот и добивање на продукти од отпадот во форма на био-ѓубриво кое може да се користи за сопствени потреби при одгледувањето на растенија и нивното аранжирање и во училишнот двор,, се вели во информацијата

Како средношколците од Коста Сусинов се посветија на компостирањето  повеќе на следниов линк www.radovisnews.mk

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.