,,Скај плус’’ со обуки меѓу средношколците во Струмица, како и зошто треба да реагираат на непрофесионални вести

951

На кои вести да им се верува, како младите да препознаат ,,манипулативни и сензационалистички ’’ елементи во веста, зошто младите да реагираат на информации со неетички елементи и непрофесионални стандарди. Ова беа само дел од темите што се елаборираа  на обуките во рамките на проектот ,,Јутјуберска платформа за медиумска реформа’’ со средношколците од ,,Јане Сандански’’ и ,,Никола Карев’’ во Струмица  што ги реализираше Здружението ,,Скај Плус’’ на кои преку практични вежби се проверуваа информации дали се изработени според прифатените новинарски стандарди

На обуките присуствуваа околу 200 средношколци кои се интересираа за новинарските содржини, можното препознавање на говор на омраза во веста, вест заради кликови , како треба да изгледа содржина според прифатените новинарски стандарди при што одговараа на прашањата на анкетата за медиумска писменост.

Проектот има за цел да ги потикне младите на критичка опсервација на понудените медиумски содржини и со помош на Канал ВИС да изработат кракти видеа, преку кои ќе укажат на кои сегменти да се внимава за да се утврди дали веста е вистинска и како да се реагира на веќе пласирана неточна информација со цел да се избегнат можни последици

Проектот ,,Јутјуберска платформа за медиумска реформа ‘’ е финансиран од вториот циклус на мали грантови  Критинк кој го спроведува фонацијата Метаморфосис со Центарот за европски стратегии Еуротинк

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.