Здружението Changemakers4All од Гевгелија во недела попладне организира еко чистење на познатото гевгелиско излетничко место Сифулајка кое е се ,,дави’’ од ѓубре оставено од несовесни граѓани. На повеќе локации се забележани купишта ѓубре од пластика, стакло и хартија кои го загадуваат ова локацијаи остават лош впечаток за сите добронамерници и посетители
Од таа причина ова здружение кое изминатиов период организираше низа еко акции за чистење на повеќе локации во и околу Гевгелија ги повикува сите гевгеличани да се вклучат во ова акција во недела попладне и тоа со велосипеди да се отиде до ова излетничко место и со дружење да се собере отпадот.
,,Во акцијата може да учествуваат сите кои што имаат велосипеди и имаат желба да дружат и малку да чистат, тие што немaат велосипеди, а имаат желба да не дружат се добредојдени и со други превозни средства. Тргнуваме организирано од градскиот центар (пред Кит-го) во недела точно во 18 часот,, информираа од здружението ChangeMakers4All кои неодамна објавија фотографии од растурено ѓубре по Сифулајка
За присутните активисти кои сакаат чиста и здрава животна средина на Сифулајка ќе организира и свирка со гитари тврдат од ова здружение од каде информираат дека за ова акција веќе се пријавиле членовите од навивачката група Фантоми како и повеќе велосипедисти и екологисти. Инаку настанот е поддржан и од Општина Гевгелија и ЈПКД Комуналец – Гевгелија.
фото – Гоце Тасевски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
