Десет граѓани од Југоистокот односно од Радовиш и Струмица ги прекршиле предвидените забрани за движење во определен период информираше СВР Струмица кој го покрива овој регион. Според нивното известување ноќта меѓу 26/27.03.2020 меѓу прекршителите се и 4 малолентни лица без да наведат од кој град се.
Од 10 те граѓани кои не го почитувале полицискиот час во Југоистокот, 7 лица се затекнати на подрачјето на Полициската станица Радовиш и три на подрачјето на Полициската станица Струмица. Во просториите на полициските станици се приведени седум лица.
СВР Струмица вчера до надлежните обвинителства во Југоистокот се поднесени и кривични пријави против 6 лица кои во претходниот период ја прекршиле предвидената забрана за движење во определен период. Кривични пријави се поднесени против 4 лица до Основно јавно обвинителство во Радовиш и против 2 лица до Основно јавно обвинителство во Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
