За време на полициски час во Радовиш, бегале од контроли и се забиле во бетонски ѕид, обвинителството бара казни

2745

Радовишкото Јавно обвинителство поднесе предлог за издавање на казнени налози против четири лица кои непостапувале според здравствените прописи за време на епидемија. Станува збор за прекршувања од 24 и 25 март, кога лицата биле затекнати со возила, од кои две бегале од полициски контроли и се забиле во бетонски ѕид.

Како што стои во известувањето од Обвинителството на 24 март при предупредување од полициски службеници кај викенд населба на планината Плачковица за забраната на движење, лицата  се упатиле по регионалниот пат кон Радовиш. На даден знак не застанале ни на полициска контрола кај с.Шипковица, ниту пак застанале на полициска контрола  кај с.Раклиш.

Потоа со возилото удриле во бетонски зид кај ГП Техника и без да застанат продолжиле да се движат по регионалниот пат кон Ораовица каде во 00:30 часот од страна на полициски службеници биле пронајдени во нивниот дом.  За стореното кривично дело, обвинителството  предложи на судот, на обвинетите да им изрече парични казни во висина од по 1000 евра

​Третиот обвинет на 25.03.2020 година, во 00:50 часот во Радовиш, не постапил според прописите и наредбите и се возило се движел по градот. За него  обвинителството од Радовиш предложи на судот на парична казна во висина од 500 евра

500 евра казна Обвинителството бара и за четвртиот радовишанец која на 24.03.2020 година, во 22:45 часот во с.Раклиш, Радовиш, за време на полицискиот час, со возило се движел по регионалниот пат Радовиш – с.Раклиш.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.