Во пресрет на новата производствена земјоделска сезона се тампонира полскиот пат од населбата Софилар во Струмица кон атарот на населеното место Ангелци. Станува збор за делница од должина од 1850 метри за кои Центарот за развој на Југоисточниот плански регион заедно со Општина Струмица аплицираше за средства од програмата на МЗШВ за таа намена а во јули годинава им беа доделени договорите. Се тампонира делницата во месноста викана Кумиште а работите ги изведе оперативата на фирмата Џови Компани кој ја доби јавната набавка за околу 20 илјади евра
,, Нашите вредни земјоделци заслужуваат пристојни патишта до земјоделските површини.Во соработка со Центарот за развој на Југоисточен плански регион и финансиска поддршка од Министерство за земјоделство, се тампонира полски пат од населбата Софилар во Струмица до атарот на селото Ангелци во општина Василево во должина од 1.850 метри, објави струмичкиот градоначалник Костадин Костадинов
Во рамките на проектот ,,Подобрување на постојната патна инфрастуктура во руралните средини во Југоисточниот плански регион заради подобар пристап до земјоделските површини’’ Договор беше склучен и за санација на полски пат место викано Бозелот во општина Богданци во должина од 730 метри каде тендерот го доби Еуроинг од Гевгелија за околу 324 илјади денари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
