Се проектира експресен пат од ГП Ново Село до Смоквица Гевгелијa, со обиколница на Струмица, кажа директорот на Државни патишта Зоран Китанов

4504

При денешниот увид на рехабилитација на патниот правец Струмица- Ново Село, првиот човек на Државни патишта – Зоран Китанов информираше дека се проектира експресен пат од граничниот премин Ново Село до клучката кај Смоквица со изградба на обиколница на Струмица за да ефикасно сообраќајно решение од Бугарија до Коридорот 10. Според него тоа ќе овозможи и поголем економски развој на Југоистокот

,,Самата фрекфенција Ви покажува дека овој пат не може да го апсорбира целиот сообраќај затоа се проектира експресен пат од граничен премин Ново село до Струмица со обиколница на Струмица и експресен пат од Струмица до Смоквица – Гевгелија односно Коридор 10. Целта е да целиот овој транспрот што доаѓа од овој граничен премин протокот на стоки и услуги да се одвива со побрзо темпо односно да има директен излез од Бугарија до Коридор 10 кај Смоквица”, рече Зоран Китанов директор на Државни патишта

Тој денеска со министерот за транспорт и врски Горан Сугерски, пратеничката Катерина Кузмановска и градоначалниците на Струмица и Босилово, Коста Јаневски и Зоран Зимбаков беа на увид на работите на рехабилитација на патот до Ново Село во должина од 12,3 километри, а вредноста на инвестицијата е во висина од 1,8 милиони евра.

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.