Семејството Куртови од Германија со потекло од Конче, донираа возило на општината за потребите на народната кујна

15093
Ајрула Куртов кој потекнува од Конче и неговата сопруга Габриела Куртов-Гудер, кои живеат и работат во Германија донираа возило на општина Конче за потребите на народната кујна. Станува збор за возило Пежо партнер кое општината планира да го додели на ЈП Лакавица кое врши дотур на храна од народната кујна за сите лица кои се социјално загрозени или болни и изнемоштени 
,, Упатувам оромна благодарност на семејството Куртови кои несебично изразија подготвеност да помогнат за потребите на општина Конче. Имено во Конче има народна кујна од која околу 70 сиромашни и изнемоштени лица добиваат топол оброк. Возилото со кое вршевме дотур беше во лоша состојба и Ајрула кој потекнува од овој крај заедно со неговата сопруга  Габриела се одлучија да ни донират возило кое ќе го наменеме токму за ова цел,  бидејки како општина сакаме да водиме грижа за сите граѓани ,, ни изјави градоначалникот Благој Илиев
Возилото веќе стаса во општина Конче и со регулирање на потребната документација тоа ќе биде ставено во функција со што социјално загрозените и болните и изнемоштени лица навремено ќе го добиваат топлиот оброк од народната кујна преку ЈПКД Лакавица. Ова комунално претпријатие неодамна доби и минибуси со кои ќе врши превоз на ученици од населените места до централното основно школо во Конче

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.