„Тоа е една од најблагородните работи што може еден човек може да ги направи за останатите“. Вака вели крводарителот Ристо Митров од Струмица кој неодамна доби плакета од ОО на Црвен крст Струмица за 100 дарувања крв. Митров вели дека не ги брои. Него единствено му е важна помислата дека со дарувањето крв тој некому му помага, независно кој и од каде е .
,, На секои три месеци дарувам крв единствено за воениот конфликт во 2001 имам дарувано петпати. Дарувам и по повик но тогаш ми е најтешко бидејки луѓето чуствуваат благодарност и ми е незгодно. Ова е најблагородна работа“, кажа Митров на денот кога струмичкиот Црвен крст му додели плакета
Митров крв почнал да дарува како средношколец. Потоа заминал во ЈНА каде три пати дарувал и од тогаш секоја година со иста динамика. Како што вели на моторите им се менува маслото а со дарувањето на крв, таа се обновува во организмот. Тврди дека лицето што дарува е поотпорен на болести.
,, Сакам да кажам дека треба сите да бидеме хумани, да помогнеме, да ширеме емпатија. Дарувањето крв нема штета по здравјето “вели Митров
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
