Расте бројот на станови под хипотека во Југоистокот, најмногу во Гевгелија а во Струмица се намалува

3726

Согласно извештајот од Регистарот на цени и закупнини за периодот од 1 јули до 30 септември ова година што го води Агенцијата за катастар и недвижности,  во Југоистокот има заведено 11 049 станови под хиптека, бројка која во однос на минатата година истиот период  е зголемување за нови 17 стана кои отише под хиптека.

Процентуално најмногу станови под хиптека има во Гевгелија и регионот кој ги води подрачната единица на катастарот од овој град. Според последниот извештај од регистарот од 24 124 станови  3 997 се под хиптека што преставува 16,57 % и во однос на истиот период од минатата година  бројот на станови под хиптека е зголемен за 104.

Зголемување на станови под хиптека има и во Радовиш. Таму заклучно со 30.09 минатата година имало 1 360 станови под хиптека додека ова година на 30 септември, катастарот регистрирал 1 375 што преставува околу 7,7 % од вкупно евидентираните станови во ова општина.

Намалување на становите под хиптека има во Струмица. Лани на 30 ти септември имало 5 350 станови додека годинава на 30 ти септември 5 246 станови под хиптека.

Инаку во Југоистокот расте бројот на запишани станови кои се водат во катастарот. Во подрачните единици на ова институција во Струмица, Гевгелија, Радовиш и Валандово лани до 30 септември имало 93 143 стана додека годинава заклучно со истиот термин  евидентирани  94 606 стана

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.