Струмичката полиција вчера го лиши од слобода 25 годишен жител од населеното место Ангелци струмичко заради извршени кражби. Како што стои во информацијата од СВР Струмица тој кражбите ги направил во период од 4 дена меѓу кои од страна на полицијата се товари и за одземање на моторно возило
,,На 16.12.2021 во 11.30 часот, полициски службеници од СВР Струмица го лишиле од слобода Г.П.(25) од село Ангелци, струмичко. Тој се сомничи дека во периодот од 12.12.2021 до 16.12.2021 на подрачјето на Струмица извршил три кривични дела „тешка кражба“, едно кривично дело „тешка кражба на дрзок начин“ и едно кривично дело „одземање на моторно возило“. Г.П. е задржан во просториите на Полициска станица Струмица, известен е Јавен обвинител од Основно јавно обвинителство Струмица и по целосно документирање на случаите против него ќе бидат поднесени соодветни пријави,, стои во информацијата од СВР Струмица
фото Македонија Денес
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
