Почна да се плаќа патарина кај Смоквица еве ги цените за сите видови моторни возила

3781

Почна да се наплатува на новата патарина на автопатот Пријателство кај Смоквица, информираа од Авто-мото сојузот на Македонија.На патрината кај Смоквица има 10 наплатни рампи, односно пет кон Гевгелија и Грција и исто толку кон Скопје. Истата е обележана со потребната сигнализација но и опрема за наплата во готово и картички

Според објавениот ценовник на ЈП за Државни патишта  на Смоквица за моторните возила со карактеристики на мотоцикли цената на патарината изнесува 60 денари додека за патнички моторни возила  патарината е 100 денари .

Втора категорија возила со три или повеќе осовини и возила со приколка или комбиња или возило со приколка цената на патарината изнесува 160 денари

Трета категорија се автобусите кои мора да плаќаат по  290 денари додека за четврта категорија тешки моторни возило камиони со приколки  цената на патарината изнесува 430 денари

На Коридорот 10 треба допрва да проработи и наплатната рампа кај Демир Капија, која што треба да проработи во текот на наредните месеци за да се собира надоместокот за употреба на автопатот од Градско до Демир Капија.

Автопатот Демир Капија-Смоквица беше пуштен во употреба на 23 април лани. Оваа делница од автопатот е долга 28,2 километри, а изградбата чинеше 218 милиони евра, и плус 10 милиони евра за надзор.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.