Повеќе од 400 учесника на полумаратонот ,,Струмица на улица’’ – еве кои улици ќе бидат времено затворени за сообраќај

1603

Недела (9.06)  во 19 часот во Струмица ќе стартува второто издание на полумаратонот ,,Струмица на улица’’ со што и официјално ќе сзапочне осмиот по ред ,,Струмица опен фест 2019’’. Според организаторите повеќе од 400 учесника ќе се појават на стартот кој ќе биде на ул. Ленинова спорти ТЦ ,,Глобал’’. Ќе се трча на 5, 10 и 21 километар заради што дел од улиците во централното градско подрачје ќе бидат затворени за сообраќај за време на одржување на трките. Тоа го соопшти и Влатко Манчев од ЗСК ,, Југоисток’’ на завчерашната прес конференција кога беа презентирани сите спортски активности за месец јуни

„Првиот настан ќе се одвива на улиците низ Струмица со почеток во 19:00 часот. По тој повод би сакале да ги замолиме сите учесници на сообраќајот на тој ден да ни ги отстапат улиците на наш трчачите и рекреативците. Ќе бидеме во бројка поголема од 400 учесници. По улиците: булевар „Маршал Тито“, улица „Балканска“, улица „Маршал Тито“, булевар „Гоце Делчев“ и улица „Ленинова“ сообраќајот ќе се одвива по времен режим. Се надевам дека ќе наидеме на разбирање,, кажа завчера Влатко Манчев

Учесник на полумаратон ќе биде  Адријана Поп-Арсова, моментално носител на државниот рекорд на полумаратон и на 10КМ. Ќе трча и Александар Кираџиев кој беше најдобар на овогодинешниот скопски маратон, потоа Атанас Анчевски кој минатата година беше победник на „Струмица на улица“.

,,На трките од 5КМ и 10КМ кои немаат награден фонд, учество ќе земат и Александра Јанева, Васил Гарванлиев, Александар Милушев, Кирил Нистров. Оваа година бевме пријатно изненадени од интересот за бизнис ран пакетот – хуманитарниот пакет за Томе Јанев. Пријавени учесници на десетина локални компании со секој истрчан километар ќе донираат по 10 денари за лекување на Томе Јанев. “, истакна Влатко Манчев ЗСК „Југоисток“

( Дел од учесниците од ланскиот прв полумаратон Струмица на улица)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.