Во недела на 9-ти Април Планинарскиот клуб „Ентузијаст“ од Струмица го организира 24-тиот по ред планинарски меморијален марш ,,Ванчо Атанасов 2023“. Станува збор за планинарски марш кој ќе почне од населеното место Костурино до споменикот на петте струмички студенти па до планинарската куќа Дедо Кољо Муртински која се наоѓа на 1160 метри надморска височина а од таму се спушта до населеното место Свидовица.
До Костурино организаторот ПК „Ентузијаст“, од Струмица има организирано превоз од старата автобуска или зградата на Поштата во 7 часот наутро како и на враќање од Свидовица до Струмица во 18 часот.
,, Маршутата ќе биде од Костурино кога во 8 часот наутро се тргнува па до селото Орманли, потоа Белашки ливади – Ќучук Чешма споменик на петте струмички студенти – Џами кран – планинарска куќа Дедо Кољо Муртински 1160 м.н.в. Ручек во 14:00 часот, обезбеден од организаторот. Секој да си понесе прибор за јадење“,, стои во поканата од ПК Ентузијаст
Должината на патеката е 22 километри или шест часа одење (три часа и триесет минути искачување и два часа и триесет минути симнување). Секој учесник доаѓа на сопствена одговорност и лично одговара за сопствената психо-физичка кондиција објаснуваат од клубот Ентузијаст.
Лица за контакт:
Филип 071 205 272;
Ристо 078 320 454;
Коле 070 200 848.
Фото:ПК Ентузијаст Струмица (од претходни изданија на планинарскиот марш Ванчо Атанасов)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
