Синоќа после полноќ во полициската станица во Струмица било пријавено дека на магистралниот патен правец Струмица – Ново Село во населеното место Дабиле патничко моторно возило удрило во пешак. Како што информираше полицијата, пешакот од здобиените повреди починал на лице место.
,,На магистралниот пат А4 Струмица – Ново Село, во с.Дабиле, се случи сообраќајна незгода во која патничко моторно возило „фиат пунто“, со струмички регистарски ознаки, управувано од Д.Ј.(23) од с.Секирник удрило во пешак В.В (59) од с.Дабиле. Од здобиените повреди пешакот починал на самото место,, стои во полицискиот билтен на МВР
Увид на местото на инцидентот извршила екипа на Полициска станица Струмица кои треба да ги утврди причините за сообраќајката.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
