ФК Академија Пандев од Струмица по денешниот состанок со челните луѓе на ФФМ околу новонастанатата ситуација предизвикана од коронавирусот и како да се продолжи со Шампионатот и Купот, излезе со официјални предлози на својата веб страна. Како што наведуваат, Академија Пандев имаат два предлога како можни сценарија, што и како понатаму после прекинот поради вирусот КОВИД-19 и прогласената пандемија а во согласност со препораките од здравствените власти.
Првиот предлог им е Регуларна завршница и одигрување на сите предвидени натпревари во ПМФЛ, што значи доигрување на првенствените мечеви од 7 јуни до 26 јули секоја среда и недела, период и за одигрување на полуфиналните и финалната средба од Националниот КУП. На тој начин да се дознае кој ќе биде Шампион а кој учесник во Еврокуповите но и кој ќе испадне од лигата според постигнатиот успех. Ако не се доигра Купот, патникот во Лигата на Европа да биде по основ на постигнатиот успех во Првата лига, предлагаат од Академијата на Горан Пандев
Вториот предлог е прекин на првенството и прогласување на Шампион, излез на првите 4 екиписпоред моменталниот пласман на табелата од ПМФЛ во Евро Куповите, да нема испаѓање од Првата лига и да е прекине Националниот Куп.
За двата предлога на ФК Академија Пандев повеќе на нивната официјална веб страна
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
